COVID-19 ვაქცინების გავრცელებას უპირველესი მნიშვნელობა აქვს ყველა ერს და ვაქცინების საზღვრებს გარეთ ტრანსპორტირება ხდება მსოფლიოში ყველაზე დიდი და სწრაფი ოპერაცია.შესაბამისად, არსებობს რისკი, რომ კრიმინალური სინდიკატები ცდილობდნენ სიტუაციის გამოყენებას.

ამ რისკის საპასუხოდ და არალეგალური პროდუქტებისგან ისეთი საფრთხის აღმოსაფხვრელად, როგორიცაა საშიში, არასტანდარტული ან ყალბი მედიკამენტები და ვაქცინები, მსოფლიო საბაჟო ორგანიზაციამ (WCO) ახლახან წამოიწყო ახალი ინიციატივა სახელწოდებით „პროექტი ფასილიტაციის გადაუდებელ საჭიროებაზე. და COVID-19-თან დაკავშირებული ტრანსსასაზღვრო ტვირთების საბაჟო კონტროლის კოორდინაცია“.

ამ პროექტის მიზანია შეაჩეროს ყალბი ვაქცინებისა და სხვა უკანონო საქონლის ტრანსსასაზღვრო ტვირთები, რომლებიც დაკავშირებულია COVID-19-თან, ამასთან, უზრუნველყოს შესაბამისი, ლეგიტიმური გადაზიდვების შეუფერხებელი გადაადგილება.

„პანდემიის კონტექსტში გადამწყვეტი მნიშვნელობა აქვს, რომ საბაჟო ხელი შეუწყოს, მაქსიმალურად, ლეგიტიმურ ვაჭრობას ვაქცინებით, მედიკამენტებითა და სამედიცინო მასალებით, რომლებიც დაკავშირებულია COVID-19-თან.თუმცა, საბაჟო ასევე აქვს განმსაზღვრელი როლი საზოგადოებების დასაცავად მსგავსი არასტანდარტული ან ყალბი საქონლით უკანონო ვაჭრობის წინააღმდეგ ბრძოლაში“, - თქვა WCO გენერალურმა მდივანმა, დოქტორმა კუნიო მიკურიამ.

ეს პროექტი არის იმ ქმედებების ნაწილი, რომლებიც მითითებულია WCO საბჭოს რეზოლუციაში, რომელიც მიღებულ იქნა 2020 წლის დეკემბერში საბაჟოების როლის შესახებ სიტუაციურად კრიტიკული მედიკამენტებისა და ვაქცინების ტრანსსასაზღვრო გადაადგილების ხელშეწყობაში.

მისი მიზნები მოიცავს კოორდინირებული საბაჟო მიდგომის გამოყენებას ვაქცინის მწარმოებელ კომპანიებთან და სატრანსპორტო ინდუსტრიასთან, ისევე როგორც სხვა საერთაშორისო ორგანიზაციებთან მჭიდრო თანამშრომლობით, ამ საქონლის საერთაშორისო სავაჭრო ნაკადების კონტროლისთვის.

ამ ინიციატივით ასევე გათვალისწინებულია CEN აპლიკაციების განახლებული ვერსიების გამოყენება უკანონო ვაჭრობის ახალი ტენდენციების გასაანალიზებლად, აგრეთვე შესაძლებლობების გაძლიერების ღონისძიებები ყალბი ვაქცინებისა და სხვა უკანონო საქონლის ვაჭრობის შესახებ ცნობიერების ამაღლების მიზნით.